Ozze nuuje Keuning veur dit seizoen is bekend

Jo Ritterbeeks maog zich veur komend sezoen keuning numme van os sjwaon Sjötterie.

De daag begös zonnig☀️ mjer frisjes toen ver richting ozze nuuje beschermheer Louis Vankan en zeen vrouw Tiny leepe.

Tiedens de sjwaon mis ,mit nuuj sjtuk gespeeld van os drumkorps woort ozze nuuje beschermheer geinstalleerd.

Louis Vankan , mit zeen vrouw Tiny gein onbekinde van os sjötterie, is/ zeen ozze nuuje beschermheer van os sjötterie.

Noa ut zegenen door ozze kapelaan ,gingen ver richting ut kirkhof wo ver ozze overleden leden ,families van os Sjötterie op gepaste maneer herdachten .✨️

De murrige woort aafgesjloate mit unne lekkere lunch bie De Spech.😋

Wie jederein de buukskes gevuld hey leepe ver richting de Vermeerstraot wo os un warm welkom van Debbie En Eric Bouwens te wachten stong.

Noa un sjwaon , en bietje emotioneel dankwuurtje door de sjötters keuningin Debbie en heure keuning Eric woort der gezellig geproost op un onvergaetelik seizoen .

Rond 14:30 haolde ver zo wie gebruukelik de genodigden ,ozze burgemeister,wethouders op aan de kirk .

Wo nao dan bie de Spech de ontkroning heyt plaats gevonje van Debbie en Eric.

Tegenlieker tiet woort ozze nuuje leden Danny Debruyn Mirella Debruyn Lemmens en Danique Ritterbeeks welkom geheite bie os sjötterie.

Rond 16 oer waor ut dan zowiet…..

Ozze Burgemeester Christine van Basten-Boddin wethouder Marcel Meurkens mochten ut 1e sjot doon onder de buks.

Wo nao het sjeete officieel koos beginnen,

9 sjötters, 3 vrouwelikke en 6 mannelikke sjötters heye zich op gegaeve om de strijd aan te gaon .

Het waor unne druk bezochte middig ,ut zunke sjeen, der waor vertier veur jonk en oud,

Os werkgroep , vrijwilligers heye good gezurg veur lekker aete, en mede door ozze sponsors waor der weer ein sjwaon loterie!

De luuj hubbe zich goed vermaakt!

Oeteindelik ging mjer 1e mit de “hoofpries” nao hoes….

Rond 18:20 sjoot ozze Jo Ritterbeeks de vogel aaf.(.nouja aaf de vogel veel los mjer bleef baove zitten😊)

Precies 30 jaor geleeje waor Jo auch keuning van os Sjötterie, dus Jo wit wat veur get sjieks hum te wachten steit🙏🍀

Jo nogmaals van harte gefeliciteerd en geneet van dit sjwaon sezoen es keuning van Schutterij St Laurentius Spaubeek .